في عالم الجمال والحب برزت ساندرا ساندرا الأسمر وبدأت مسيرتها بعرض الأزياء ثم تألقت بمشاركتها ببرنامج الحب قسمة ونصيب بالنسخة العربية بالموسم الثالث فأسرت قلوب المشاهدين بجمالها وسحرها وبعد البرنامج اصدرت اغنية الحب قسمة ونصيب واستعملت الكلمات التي انشهرت فيهم الصراصير وياعمري وغيرها وهي صاحبة شركة Black angels agency في الامارات ولبنان
اليوم هي ضيفة موقع اضواء لنحكي اكتر عن جديدها وحياتها وكان لنا هاللقاء
١- ساندرا قبل الشهرة وبعد الشهرة شو لي تغير بحياتك ؟
بصراحة ماتغير شي بعدني متل ماانا ومستحيل كون شخصية تانية وفي اغنية لشمس الأغنية اللبنانية خليك عالارض وانا اجريي عالارض ومحبة الناس نعمة كبيرة بشكر الله عليها
٢- ساندرا تجربة قسمة ونصيب شو قدمتلك وشو اخذت منك
تجربة قسمة ونصيب من أجمل التجارب بحياتي قدمتلي الشهرة بلبنان والعالم العربي وأخذت مني الخصوصية نوعاً ما لان بعض الناس بتحب تعرف تفاصيل خاصة
٣- اغنية الحب قسمة ونصيب لاقت انتقادات شو ردك عالتعليقات السلبية
مارح رد ع اي تعليق سلبي لو الأغنية فشلت ماحدا حكي فيها بالعكس الأغنية ترند والناس كلها بتغنيها وهي اغنية فرفوشة مجرد تسلية وإعطاء طاقة إيجابية للناس مش اكتر
٤- التنمر شغلة مؤذية طالت خيك بوقت معين شو بتقولي للمتنمرين
بصراحة أصعب شي التنمر بالحياة خاصة الناس لي ماعندن شي بالحياة غير الكلام والنميمة عيلتي خط أحمر لهيك يطلعوا ع حالن قبل مايحكوا بنقهر عليهم لانن عندن عقد نفسية
٥- هيذا الشهر هوي شهر التوعية عن سرطان الثدي شو بتقولي لكل امرأة
كوني قوية وقد حالك واهم شي الفحص الدوري والمبكر لانوا بيحميكي من اي شي لازم تهتم بصحتها وكل الحب
٦- هل اليوم في حب بحياة ساندرا
بفضل حياتي الشخصية تكون بعيدة عن الاضواء الحب حلو ومافينا نعيش بلا حب واذا صار الموضوع اكيد رح اعلن للناس لي بتحبني وحابي تفرح معي كل شي بوقتو حلو
وعن مشاريعها المستقبلية صرحت ساندرا لموقع اضواء انه في بداية شهر ١٢ ستطلق أغنيتها التانية من كلمات وألحان مارون رزق وتوزيع eddy andraos وقالت ان الأغنية وفي نهاية اللقاء وجهت ساندرا تحية لكل محبيها وجمهورها وختمت بعبارة ياعمري
