اختارت الممثلة كارمن لبس توجيه رسالة مؤثرة تزامناً مع مرور 60 يوماً على رحيله ونشرت لبس كليباً من إخراج عبادة شعراني واختارت كلماتها من تأليف سليم ديك
وقالت : “بتعرف بس تعيش وهم إنك طويت صفحة حبك الأول وفجأة تكتشف إنو الصفحة بعدا مفتوحة مع جروحاتها؟ صرلي سنين عم قول اتخطيت، بس بنفس الوقت عم إسأل ليه؟ آخر ليه كانت ليه ما بدك تشوفني؟ عرفت بعدين وبعد فوات الأوان إنو ما بدك شوفك هيك، يمكن ما كان بدك تشوفني وأنا عم شوفك هيك”.
وقالت : “اشتقتلك، وعرفت إنك اشتقتلي بس ما قلتلي، قالولي بقيت تسأل عني، بس يا ريت سمعتها منك. قلتلك بغيابك فضي البلد، بس شي إنت رحت، حسيت أنا فضيت، حسيت كل شي بقي معلق”.
وختمت : “أسئلة ما حدا جاوب عليها، وذكريات ما حدا قادر يمسحها، كنت إهرب من سيرتك مش لأن ما بدي ياها، بس لإني بخاف حس إنها أحلى سيرة. كل شارع، كل زاوية، كل مطرح، بذكرني فيك، حبيتك، وبعدني، وبعدا كل الجمل عم تنتهي فيك”.
