كتب عبد الحليم شبانه ضاقت
1 min read
بقلم عبد الحليم شبانه من مصر يقول
ضاقت الدنيا بي
بقول خلاص وداع
بتعذب كل ثانية
وحياتي كلها ضياع
مخنوق مش لاقي حل
تعبت يا دنيا خلاص
مش لاقي غير الذل
محدش فيكي مرتاح
كل ما أقول خلاص
هتمشي معاية شوية
آلاقي مفيش صباح
بدون قسوة جاية
مش عارف ليه أنا
اللي بدوق بس عذاب
بقالك كده كام سنة
عايش في اكتئاب
الظهر اتحنى وقلت ماشي
المهم بس إني عايش
تعبتيني من ساسي لراسي
بقيت قدامي مش شايف
كل مرة أقول بكرة
جايلي تاني يوم جديد
ما شفتش غير حسرة
بقيت عايش بس وحيد
قاعد بخبط مش شايف
مستني مرة يجي نهار
بقيت من بكرة خايف
إلطف بي يا جبار
دا أنا تعبت كتير
خلاص معدتش قادر
رحمتك يا قدير
بقالي كتير صابر
